يا قلبى ليه بتضحك وانت حزين ؟
يا عيونى ليه بسمتك حاسسها أنين ..
الدمع فيها حاير يستخبى فين ؟
يا ناس مش كل الضحكة الحلوة تبقى برنين ..
أوقات الضحك يبقى أمر م البكاء والدمعة م الفرح تسيل ع الخدين ..
...أما أنـــــــــــا ......
شايل همى بين ضلوعى وصابر ماشى بقلبى ينزف ف دم يروى جناين
والعقل من الفكر حاير ..
كل ما يهرب من همه يلاقى الحجر عليه داير
ويصبر ف نفسه .. لما عمل م الصبر ضفاير
يا ترى يا دنيا فيكى أمل ؟؟؟؟
وللا أنا بالوهم متغمى ؟
شايل هموم الناس ..
وأنا مين يشيل همى ؟
داويت كتير فى جروح ..
و أنا مين يداوى جرحى ؟
يا ما صبرت قلوب ..
و أنا مين يصبرنى .. ؟
©Bedo[/c]
